I Johann Sebastian Bach metung yang kompositor a Aleman o German. Mibait ya anyang 21 ya ing Marzo, 1685 king metung a pamilia da reng mosicus king Eisenach. Dakal kareng kayang obra ing megawa para king pisamban: Pasion agpang kang Juan at Mateo, Oratorio, at manga atlung dalan (300) a Cantata; mewala no reng keraklan kareti. Sinulat ya mu namang musica para kareng instrumentu antimo ing biolin, w:cello, plauta, organ, harpsichord ampong clavichord. Kayabe la reng kilalang anam a Brandenburg concerto kareng sinulat na para king orquesta. Mekatadwa ya mikyasawa, at aa lang pulu (20) deng megi nang ának. Mapilan kareti ing linub murin king musica. Mete ya anyang 28 ya ing Julio, 1750 king Leipzig. Lipat ning malwat neng mewala, maragul pa murin ing influencia ning kayang musica angga ngeni. At anggyang e makaing kilala kareng aliwang bansa kanitang panaun na, tuturing de ngening metung kareng kaluguran dang diling talatuki ning musica king kasalesayan.

Ing artíkulung ini metung yang súlî. Makasáup ka king Wikipedia kapamílatan ning pámandagdag kaniti.Category:Suli